വഖഫ് ബോർഡ് ജനങ്ങളുടെ സ്വത്തിലും ആരാധനാലയങ്ങളിലും അധിനിവേശത്തിന് ശ്രമിച്ചാൽ പല്ലും നഖവും ഉപയോഗിച്ച് ബിജെപി ചെറുക്കുമെന്ന് സംസ്ഥാന അദ്ധ്യക്ഷൻ കെ.സുരേന്ദ്രൻ. നാൾക്കുനാൾ വഖഫ് ബോർഡ് പുതിയ പുതിയ സ്ഥലങ്ങിൽ അവകാശവാദമുന്നയിക്കുകയാണ്. ഇത് ഇനിയും തുടരാൻ അനുവദിക്കില്ലെന്നും സ്റ്റേഡിയം ഗ്രൗണ്ടിൽ നടന്ന എൻഡിഎ തിരഞ്ഞെടുപ്പ് കൺവെൻഷനിൽ അദ്ദേഹം പറഞ്ഞു. കെ.മുരളീധരനെ ചതിച്ചാണ് കോൺഗ്രസ് വടകരയിൽ നിന്നും തൃശ്ശൂരിലെത്തിച്ചത്. അവിടെ അദ്ദേഹത്തിനെ തോൽപ്പിച്ചു. അവസാനം മുരളീധരൻ്റെ അമ്മയെ അവഹേളിച്ച നേതാവിന് പാലക്കാട് സീറ്റും കൊടുത്തു. സിഎഎ കാലത്ത് ഭൂരിപക്ഷ ജനവിഭാഗങ്ങൾക്ക് ചികിത്സ നൽകില്ലെന്ന് പ്രഖ്യാപിച്ച ഇടതുപക്ഷ സ്ഥാനാർത്ഥി ഇപ്പോൾ ചന്ദനക്കുറിയും തൊട്ട് അമ്പലങ്ങൾ കയറിയിറങ്ങുകയാണ്. ഇതുകൊണ്ടൊന്നും ജനങ്ങളെ തെറ്റിദ്ധരിപ്പിക്കാനാവില്ല. 13 വർഷം കൊണ്ട് ഒരു വികസനവും ചെയ്യാത്ത ഷാഫി പറമ്പിൽ ഇപ്പോൾ വർഗീയത ഉയർത്തി വോട്ട് തേടുകയാണ്. തികഞ്ഞ വിഭാഗീയത കാണിച്ച ജനപ്രതിനിധിയാണ് ഷാഫി പറമ്പിൽ. ഇടതുപക്ഷവും യുഡിഎഫും എല്ലാ കാലത്തും പാലക്കാട്ടുകാരെ പറ്റിക്കാമെന്ന് കരുതരുതെന്നും കെ.സുരേന്ദ്രൻ പറഞ്ഞു.
