ന്യൂഡൽഹി: ജസ്റ്റിസ് ബി. ആർ. ഗവായ് സുപ്രീം കോടതിയുടെ 52-ാമത് ചീഫ് ജസ്റ്റിസായി ചുമതലയേൽക്കും. നിലവിലെ ചീഫ് ജസ്റ്റിസ് സഞ്ജീവ് ഖന്ന മെയ് 13ന് വിരമിക്കുന്നതോടെയാണ് ജസ്റ്റിസ് ഗവായ് അധികാരമേറ്റെടുക്കുന്നത്. മെയ് 14ന് അദ്ദേഹം ഔദ്യോഗികമായി ചുമതലയേൽക്കും.
ദളിത് വിഭാഗത്തിൽ നിന്ന് സുപ്രീം കോടതിയുടെ ചീഫ് ജസ്റ്റിസായി സ്ഥാനമേൽക്കുന്ന ജസ്റ്റിസ് ഗവായ്, ജസ്റ്റിസ് കെ.ജി. ബാലകൃഷ്ണൻക്ക് ശേഷം ഈ പദവിയിൽ എത്തുന്ന രണ്ടാമനായിരിക്കും. 1960 നവംബർ 24ന് മഹാരാഷ്ട്രയിലെ അമരാവതിയിൽ ജനിച്ച ജസ്റ്റിസ് ഭൂഷൺ രാമകൃഷ്ണ ഗവായ്, 1987 വരെ മുൻ അഡ്വക്കേറ്റ് ജനറലായ ജസ്റ്റിസ് രാജ എസ്. ബോൺസാലെയോടൊപ്പം പ്രവർത്തിച്ചിരുന്നു.
1987 മുതൽ 1990 വരെ ബോംബെ ഹൈക്കോടതിയിൽ സ്വതന്ത്ര അഭിഭാഷകനായി പ്രവർത്തിച്ച അദ്ദേഹം, പിന്നീട് നാഗ്പൂർ ബെഞ്ചിൽ സേവനമനുഷ്ഠിച്ചു. 2005 നവംബർ 12ന് ബോംബെ ഹൈക്കോടതിയിലെ സ്ഥിരം ജഡ്ജിയായിരുന്നു. 2019 മെയ് 24ന് സുപ്രീം കോടതിയിലെ ജഡ്ജിയായി നിയമിതനായി.
