സംസ്ഥാനത്ത് പകര്ച്ചവ്യാധികള് പടര്ന്നുപിടിക്കുന്നതിനിടെ പ്രതിരോധ പ്രവര്ത്തനങ്ങള്ക്കായി നാളെ ആദ്യ യോഗം ചേരും. തിരുവനന്തപുരത്ത് വെച്ചാണ് ഹൈപവര് കമ്മിറ്റിയുടെ യോഗം ചേരുന്നത്. ആരോഗ്യമന്ത്രി കെ മുരളീധരന് ആദ്യ യോഗം ഉദ്ഘാടനം ചെയ്യുമെന്നാണ് വിവരം. ഹൈപവര് കമ്മിറ്റി അംഗങ്ങള്, ഉന്നത ഉദ്യോഗസ്ഥര്, ജില്ലയില് നിന്നുള്ള എംഎല്എമാര് എന്നിവര് ആദ്യ യോഗത്തില് പങ്കുചേരും. പകര്ച്ചവ്യാധി പ്രതിരോധം, തയ്യാറെടുപ്പ്, നിരീക്ഷണം, ചികിത്സ, ഏകോപനം എന്നിവ ശക്തിപ്പെടുത്തുന്നതിനാണ് യോഗം ചേരുന്നത്.
ഇന്ന് സംസ്ഥാനത്ത് 10 പേര്ക്കാണ് ഷിഗെല്ല ബാധിച്ചത്. കോഴിക്കോട് 3 പേര്ക്കും തിരുവനന്തപുരം, തൃശൂര്, മലപ്പുറം ജില്ലകളിലായി 2 പേര് വീതവും പാലക്കാട് ജില്ലയില് ഒരാള്ക്കുമാണ് രോഗം സ്ഥിരീകരിച്ചത്. സംസ്ഥാനത്ത് ജൂണ് മാസം ഇതുവരെയായി 120 പേര്ക്കാണ് രോഗം ബാധിച്ചത്. 5 പേര് മരിക്കുകയും ചെയ്തു.
