സംസ്ഥാനത്ത് തിങ്കളാഴ്ച വരെ അതിശക്തമായ മഴക്ക് സാധ്യതയെന്ന് റിപ്പോര്ട്ട്. ഇന്ന് മൂന്ന് ജില്ലകളില് കാലാവസ്ഥ നിരീക്ഷണ വകുപ്പ് യെല്ലോ അലെര്ട്ട് പ്രഖ്യാപിച്ചു. കോഴിക്കോട്, കണ്ണൂര്, കാസര്കോഡ് ജില്ലകളിലാണ് മുന്നറിയിപ്പ് നല്കിയിരിക്കുന്നത്.
ഒറ്റപ്പെട്ട ശക്തമായ മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ വകുപ്പ് അറിയിച്ചിട്ടുണ്ട്. അടുത്ത 24 മണിക്കൂറില് 64.5 മില്ലീമീറ്റര് മുതല് 115.5 മില്ലീമീറ്റര് വരെ മഴ ലഭിച്ചേക്കും. ഉരുള്പൊട്ടല്, മണ്ണിടിച്ചില്, മലവെള്ളപ്പാച്ചില് എന്നിവ ഉണ്ടാകാന് സാധ്യതയുള്ളതിനാല് ഇത്തരം പ്രദേശങ്ങളിലുള്ളവര് ജാഗ്രത പാലിക്കണമെന്നും സുരക്ഷിത സ്ഥാനങ്ങളിലേക്ക് മാറണമെന്നും നിര്ദേശം വന്നിട്ടുണ്ട്.
