ന്യൂഡൽഹി: ഏഷ്യൻ ഗെയിംസ് 2026-ൽ മെഡൽ നേടിയ ഇന്ത്യൻ ഷൂട്ടർമാരായ റുദ്രാങ്ക്ഷ് ബാലാസാഹേബ് പാട്ടീൽ, ഹിമാൻഷു ധില്ലൺ, പാർഥ് രാകേഷ് മാനെ എന്നിവർക്ക് പ്രധാനമന്ത്രി നരേന്ദ്ര മോദി അഭിനന്ദനം അറിയിച്ചു.
പുരുഷന്മാരുടെ 10 മീറ്റർ എയർ റൈഫിൾ വ്യക്തിഗത ഇനത്തിൽ വെങ്കലം നേടിയ റുദ്രാങ്ക്ഷ് പാട്ടീലിന്റെ ശ്രദ്ധയും അച്ചടക്കവും പ്രശംസനീയമാണെന്ന് പ്രധാനമന്ത്രി പറഞ്ഞു.
10 മീറ്റർ എയർ റൈഫിൾ ഇനത്തിൽ വെള്ളി നേടിയ ഹിമാൻഷു ധില്ലണിനെയും മോദി അഭിനന്ദിച്ചു. സമ്മർദത്തെ അതിജീവിച്ചുള്ള പ്രകടനവും കൃത്യതയും ശ്രദ്ധേയമായിരുന്നുവെന്ന് അദ്ദേഹം പറഞ്ഞു.
പുരുഷന്മാരുടെ 10 മീറ്റർ എയർ റൈഫിൾ ടീം ഇനത്തിൽ വെള്ളി നേടിയ റുദ്രാങ്ക്ഷ് പാട്ടീൽ, ഹിമാൻഷു ധില്ലൺ, പാർഥ് രാകേഷ് മാനെ എന്നിവരെയും പ്രധാനമന്ത്രി അഭിനന്ദിച്ചു. സംഘത്തിന്റെ ശ്രദ്ധ, സ്ഥിരത, കൂട്ടായ പ്രവർത്തനം എന്നിവ ഇന്ത്യയ്ക്ക് അഭിമാനം, യശസ്സ് എന്നിവ ഉയർത്തിയെന്നും അദ്ദേഹം പറഞ്ഞു.
