ന്യൂഡൽഹി: 2026 ഏഷ്യൻ ഗെയിംസിൽ സ്വർണ മെഡൽ നേടിയ ഇന്ത്യൻ താരങ്ങളെ പ്രധാനമന്ത്രി നരേന്ദ്ര മോദി അഭിനന്ദിച്ചു. ട്രാപ്പ് മിക്സഡ് ടീം ഇനത്തിൽ സ്വർണം നേടിയ നീരുവിനും കൈനൻ ചെനായിക്കും വനിതകളുടെ കോമ്പൗണ്ട് ടീം ഇനത്തിൽ സ്വർണം നേടിയ ജ്യോതി സുരേഖ വെണ്ണം, പൃഥിക പ്രദീപ്, ചികിത തനിപർത്തി എന്നിവർക്കാണ് പ്രധാനമന്ത്രി ആശംസകൾ നേർന്നത്.
ട്രാപ്പ് മിക്സഡ് ടീം ഫൈനലിൽ നീരുവും കൈനൻ ചെനായിയും ഏഷ്യൻ റെക്കോർഡ് സ്ഥാപിച്ചാണ് സ്വർണം നേടിയത്. ഈ ഇനത്തിൽ ഏഷ്യൻ ഗെയിംസിൽ ഇന്ത്യയുടെ ആദ്യ സ്വർണമാണിത്.
വനിതകളുടെ കോമ്പൗണ്ട് ടീം ഇനത്തിൽ ജ്യോതി സുരേഖ വെണ്ണം, പൃഥിക പ്രദീപ്, ചികിത തനിപർത്തി എന്നിവർ നേടിയ പ്രകടനം ലോക റെക്കോർഡിനൊപ്പമെത്തിയെന്നും പ്രധാനമന്ത്രി ചൂണ്ടിക്കാട്ടി.
ഇന്ത്യൻ ഷൂട്ടിങ്ങിനും അമ്പെയ്ത്തിനും അഭിമാനകരമായ നേട്ടമാണിതെന്ന് പ്രധാനമന്ത്രി പറഞ്ഞു. താരങ്ങളുടെ ഭാവി മത്സരങ്ങൾക്ക് അദ്ദേഹം ആശംസകൾ നേർന്നു.
