കേരളത്തിൽ കുട്ടികളുടെ സുരക്ഷ ഉറപ്പാക്കാൻ പുതിയ നിയമം വരുന്നു. ഡിസംബർ മുതൽ നിലവിൽ വരുന്ന നിയമപ്രകാരം, ഒന്നു മുതൽ നാല് വയസ്സുവരെയുള്ള കുട്ടികൾക്ക് കാറിൽ പ്രത്യേക സീറ്റ് ബെൽറ്റ് നിർബന്ധമാക്കും. നാല് വയസ്സിന് മുകളിലുള്ള കുട്ടികൾ ബൈക്കിൽ യാത്ര ചെയ്യുമ്പോൾ ഹെൽമറ്റ് ധരിക്കേണ്ടതാണ്.
കൂടാതെ, നാല് വയസ്സു മുതൽ 14 വയസ്സുവരെയുള്ള 135 സെന്റീമീറ്ററിൽ താഴെ ഉയരമുള്ള കുട്ടികൾ കാറിൽ സഞ്ചരിക്കുമ്പോൾ ചൈൽഡ് ബൂസ്റ്റർ സീറ്റ് ഉപയോഗിക്കേണ്ടതും നിർബന്ധമാക്കിയിട്ടുണ്ട്. മാതാപിതാക്കൾ കുട്ടികളെ മടിയിൽ വെച്ച് കാറിൽ സഞ്ചരിക്കുന്നത് അനുവദിക്കില്ല.
