പാലക്കാട്: പാലക്കാട് ഉപതെരഞ്ഞെടുപ്പിൽ യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിലിനെ സ്ഥാനാർത്ഥിയാക്കിയതിൽ കോൺഗ്രസിൽ കനത്ത അതൃപ്തി. കെപിസിസി ഡിജിറ്റൽ മീഡിയ കൺവീനറായ ഡോ. പി സരിൻ വലിയ വിമർശനവുമായി രംഗത്ത്
പാലക്കാട് ജില്ലക്കാരനായ തനിക്ക് സ്ഥാനാർത്ഥിത്വം ലഭിക്കുമെന്നായിരുന്നു സരിന്റെ പ്രതീക്ഷ. എന്നാൽ, നേതൃത്വം രാഹുലിനെ തെരഞ്ഞെടുത്തത് സരിനെ നിരാശപ്പെടുത്തി.സരിന്റെ വിയോജിപ്പ് കോൺഗ്രസിൽ അസ്വസ്ഥത സൃഷ്ടിച്ചിട്ടുണ്ട്. ജില്ലയുടെ പ്രാതിനിധ്യം ഉറപ്പാക്കണമെന്നും ജില്ലയ്ക്ക് പുറത്തു നിന്നുള്ള സ്ഥാനാർത്ഥി വേണ്ടെന്നുമായിരുന്നു സരിന്റെ വാദം.
മെഡിക്കൽ സർവീസും സിവില് സർവീസും ഉപേക്ഷിച്ച് രാഷ്ട്രീയത്തിലെത്തിയ സരിൻ, കഴിഞ്ഞ തവണ ഒറ്റപ്പാലം സീറ്റിൽ മത്സരിച്ചിരുന്നു.
