കോഴിക്കോട്: പ്രശസ്ത നടൻ മേഘനാഥൻ (60) അന്തരിച്ചു. വ്യാഴാഴ്ച പുലർച്ചെ രണ്ട് മണിയോടെയായിരുന്നു അന്ത്യം. ശ്വാസകോശ സംബന്ധമായ അസുഖത്തെത്തുടർന്ന് കോഴിക്കോട് ബേബി മെമ്മോറിയൽ ഹോസ്പിറ്റലിൽ ചികിത്സയിലായിരുന്നു.
1983ൽ പുറത്തിറങ്ങിയ അസ്ത്രം ആണ് അദ്ദേഹത്തിന്റെ ആദ്യചിത്രം. ചെങ്കോൽ, ഈ പുഴയും കടന്ന്, ഉത്തമൻ തുടങ്ങിയ 50ഓളം സിനിമകളിൽ അദ്ദേഹം അഭിനയിച്ചു. പ്രശസ്ത നടൻ ബാലൻ കെ നായരുടെ മകനായ മേഘനാഥൻ, 2022ൽ പുറത്തിറങ്ങിയ കൂമൻ എന്ന ചിത്രത്തിൽ അവസാനമായി അഭിനയിച്ചു.
സംസ്കാര ചടങ്ങുകൾ ഷൊർണ്ണൂരിലുള്ള വീട്ടിൽ വെച്ച് നടത്തുമെന്ന് കുടുംബാംഗങ്ങൾ അറിയിച്ചു.
