ന്യൂഡൽഹി: ജനുവരി 26-ന് രാജധാനിയിലെ കർതവ്യപഥത്തിൽ നടക്കുന്ന 76-ാമത് റിപ്പബ്ലിക് ദിന പരേഡിന് ക്ഷണിക്കപ്പെട്ട 10,000 പ്രത്യേക അതിഥികളിൽ 22 പേർ മലയാളികളാണ്. പാലക്കാട് നിന്നുള്ള പ്രശസ്ത തോൽപ്പാവക്കൂത്ത് കലാകാരൻ രാമചന്ദ്ര പുലവർ, കൊല്ലം വയ്ക്കോലിൽ കൊണ്ടു ചിത്രം രചിക്കുന്ന ബി. രാധാകൃഷ്ണ പിള്ള എന്നിവരും ഉൾപ്പെടുന്നു.
പ്രധാനമന്ത്രി യശസ്വി പദ്ധതിയിലൂടെ 13 പേർ, തുണിത്തരങ്ങൾ (കരകൗശലം) വിഭാഗത്തിൽ മൂന്ന് പേർ, വനിതാ ശിശു വികസന വിഭാഗത്തിൽ ആറുപേരാണ് മലയാളികളുടെ പങ്കാളിത്തം.
പരേഡിനോടൊപ്പം, ഇവർക്കു ദേശീയ യുദ്ധസ്മാരകം, പിഎം സംഗ്രഹാലയം, ഡൽഹിയിലെ മറ്റ് പ്രമുഖ സന്ദർശന കേന്ദ്രങ്ങൾ എന്നിവ സന്ദർശിക്കാനും കേന്ദ്രമന്ത്രിമാരുമായി സംവദിക്കാനുള്ള പ്രത്യേക അവസരവുമുണ്ട്.
