ബജറ്റ് അവതരണ വേളയില് എല്ലാ മേഖലകളിലും സര്ക്കാര് വാഗ്ദാനം ചെയ്ത പുരോഗതി കൈവരിച്ചതായി ധനമന്ത്രി കെ എന് ബാലഗോപാല് വ്യക്തമാക്കി. മുഖ്യമന്ത്രി പ്രഖ്യാപിച്ച സ്ത്രീ സുരക്ഷാ പെന്ഷന് പദ്ധതിയില് ഇതിനകം 16 ലക്ഷം പേര് ചേര്ന്നുവെന്നും, ഇതുവരെ പ്രഖ്യാപിച്ച എല്ലാ പദ്ധതികളും നടപ്പാക്കിയിട്ടുണ്ടെന്നും അദ്ദേഹം പറഞ്ഞു.
സാമൂഹ്യക്ഷേമ രംഗത്ത് നിര്ണായകമായ വേതന വര്ധനകളും ബജറ്റില് പ്രഖ്യാപിച്ചു.
അങ്കണവാടി വര്ക്കര്മാരുടെ പ്രതിമാസ വേതനം 1,000 രൂപയും, അങ്കണവാടി ഹെല്പ്പര്മാരുടെ വേതനം 500 രൂപയും വര്ധിപ്പിച്ചു. ആശാ വര്ക്കര്മാരുടെ പ്രതിമാസ വേതനത്തില് 1,000 രൂപയുടെ വര്ധനയും നടപ്പാക്കിയതായി ധനമന്ത്രി അറിയിച്ചു.
വിദ്യാഭ്യാസ മേഖലയ്ക്ക് ആശ്വാസം നല്കി, പ്രീ-പ്രൈമറി അധ്യാപകരുടെ പ്രതിമാസ വേതനം 1,000 രൂപ കൂടി വര്ധിപ്പിച്ചതായും കെ എന് ബാലഗോപാല് പ്രഖ്യാപിച്ചു.
ജനങ്ങളുടെ ജീവിത നിലവാരം ഉയര്ത്തുന്ന, ക്ഷേമവും വികസനവും ഒരുപോലെ മുന്നോട്ട് കൊണ്ടുപോകുന്ന ബജറ്റാണ് ഇതിലൂടെ സര്ക്കാര് ലക്ഷ്യമിടുന്നതെന്ന് ധനമന്ത്രി വ്യക്തമാക്കി.
