നല്ല ആരോഗ്യത്തിന് നല്ല ഭക്ഷണം. ഇത് യാഥാർത്ഥ്യമാക്കൽ അത്ര എളുപ്പമല്ല എന്ന ചിന്തയിൽ നിന്നാണ് അസീസിയ ഗ്രൂപ്പിൻറെ ഈ വിശാലമായ കൃഷിയിടം പിറന്നത്. വിഷരഹിതമായി ഓർഗാനിക് രീതിയിൽ വിളയിച്ചെടുത്ത അരിയും, പച്ചക്കറികളുമെല്ലാം ഉറപ്പുവരുത്തുന്ന 65 ഏക്കർ വിളനിലം. പ്രകൃതി സുന്ദരമായ തൃശൂർ ജില്ലയിലെ പഴുവിൽ ഗ്രാമത്തിലാണ് അത്യാധുനിക രീതിയിൽ മനോഹരമായി സജ്ജീകരിച്ചിരിക്കുന്ന ഈ കൃഷിയിടമുള്ളത്.
പഴുവിലിൽ ജനിച്ച് വളർന്ന പി. എം. അബ്ദുൽ അസീസ് എൻജിനീയറായും ബിസിനസുകാരനായും സ്വദേശത്തും വിദേശത്തും ശ്രദ്ധ നേടിയ വ്യക്തിയാണ്. എന്നാൽ സ്വന്തം നാട്ടിനോടും മണ്ണിനോടും ഉള്ള അടുപ്പമാണ് അദ്ദേഹത്തെ വീണ്ടും കൃഷിയിലേക്ക് തിരിച്ചു കൊണ്ടുവന്നത്. അതിന്റെ ഫലമായാണ് അസീസിയ ഗ്രൂപ്പിന്റെ നേതൃത്വത്തിൽ ആരംഭിച്ച അസീസിയ ഓർഗാനിക് ഫാം. ഒരു ഓർഗാനിക് ഭക്ഷ്യവിപ്ലവം എന്നുതന്നെ ഈ സംരംഭത്തെ വിശേഷിപ്പിക്കാം.
പ്രകൃതി സുന്ദരമായ പഴുവിൽ ഗ്രാമത്തിലെ ഈ കൃഷിയിടം അത്യാധുനിക രീതിയിൽ സജ്ജീകരിച്ചിരിക്കുന്നു. കീടനിയന്ത്രണത്തിനായി ശാസ്ത്രീയ രീതികൾ ഉപയോഗിക്കുന്നതോടൊപ്പം ഓട്ടോമാറ്റിക് ജലസേചന സൗകര്യവും ഒരുക്കിയിട്ടുണ്ട്. കൃഷിയുടെ പരിപാലനത്തിന് ജൈവവളങ്ങൾ മാത്രമാണ് ഉപയോഗിക്കുന്നത്. ഏകദേശം 20ഓളം ജീവനക്കാരാണ് ഈ ഫാമിന്റെ പ്രവർത്തനങ്ങൾക്ക് പിന്തുണ നൽകുന്നത്.
സീസണനുസരിച്ച് വിവിധതരം കൃഷികളാണ് ഇവിടെ നടത്തുന്നത്. മത്തൻ, കുമ്പളം, വെണ്ടക്ക തുടങ്ങിയ പച്ചക്കറികൾ ഒരിടത്ത് കായ്ച്ചുതളിർത്ത് നിൽക്കുമ്പോൾ വിളവെടുപ്പ് കഴിഞ്ഞ പടവല, കയപ്പവള്ളികൾ, ചുരക്ക തുടങ്ങിയവ മറ്റൊരിടത്ത് കാണാം. വളർന്ന് കായ്ക്കാൻ കാത്തുനിൽക്കുന്ന പച്ചക്കറി വള്ളികളും പുതിയ കൃഷിയിറക്കാൻ തയ്യാറായ കൃഷിയിടങ്ങളും ചേർന്ന് ഈ ഫാം കണ്ണിനും മനസിനും കുളിർമ്മ നൽകുന്ന കാഴ്ചയാണ്.
ഇവിടെ നിന്ന് വിളവെടുക്കുന്ന വിഷരഹിത പച്ചക്കറികളും പാലും എറണാകുളത്തിലെ അസീസിയയുടെ ഓർഗാനിക് ഷോപ്പിലൂടെ ജനങ്ങളിലെത്തിക്കുന്നു. ഒന്നിടവിട്ട ദിവസങ്ങളിൽ വിളവെടുപ്പ് നടക്കുന്ന രീതിയിലാണ് കൃഷി ക്രമീകരിച്ചിരിക്കുന്നത്. അതിനാൽ എല്ലായ്പ്പോഴും പുതുതായി ലഭ്യമായ പച്ചക്കറികൾ ഉറപ്പാക്കാൻ കഴിയുന്ന രീതിയിലാണ് ഫാം രൂപകൽപ്പന ചെയ്തിരിക്കുന്നത്.
പച്ചക്കറി കൃഷിയോടൊപ്പം പശുവളർത്തലും മീൻകൃഷിയും ഈ ഫാമിന്റെ പ്രധാന ഘടകങ്ങളാണ്. അത്യുൽപാദന ശേഷിയുള്ള പശുക്കളും നെട്ടർ ഇനത്തിൽപ്പെട്ട മീനുകളും വാത്തകളും ഈ കൃഷിയിടത്തെ സദാ സജീവമാക്കുന്നു. നേരത്തെ ധാരാളം ആടുകൾ വളർത്തിയിരുന്നെങ്കിലും അതിന്റെ ഓർമ്മക്കായി രണ്ട് ആടുകളെ ഇപ്പോഴും നിലനിർത്തിപ്പോരുന്നു.
അസീസിയ ഓർഗാനിക് ഫാം ഒരു സാധാരണ കൃഷിസ്ഥലം മാത്രമല്ല. ജൈവകൃഷി, ഭക്ഷ്യസുരക്ഷ, അഗ്രി ടൂറിസം, ആരോഗ്യകരമായ ജീവിതശൈലി എന്നിവയെ ഒന്നിച്ചു ചേർത്ത ഒരു മാതൃകാ ഫാം പദ്ധതിയാണ് ഇത്. വിഷരഹിത ഭക്ഷണം സമൂഹത്തിലേക്ക് എത്തിക്കുന്നതോടൊപ്പം യുവാക്കളെ കൃഷിയിലേക്ക് ആകർഷിക്കുന്ന പ്രചോദനകേന്ദ്രമായും ഈ ഫാം മാറിക്കൊണ്ടിരിക്കുകയാണ്.
മണ്ണിനെ സ്നേഹിച്ചാൽ വിജയവും ആരോഗ്യവും ഒരുമിച്ച് കൈവരിക്കാമെന്ന് തെളിയിക്കുന്ന വിജയകഥയാണ് പഴുവിലിലെ അസീസിയ ഓർഗാനിക് ഫാം.
