ഇന്ത്യയിലെ ആദ്യ ദയാവധത്തിന് കീഴടങ്ങി ഹരീഷ് റാണ അന്തരിച്ചു. ഇന്ന് വൈകീട്ട് ന്യൂഡല്ഹിയിലെ എയിംസ് ആശുപത്രിയില് വെച്ചായിരുന്നു അന്ത്യം. 31 വയസ്സുള്ള ഹരീഷ് റാണ 2013 മുതല് കോമയിലായിരുന്നു. വിദഗ്ധ ചികിത്സക്കും പിന്തുണയ്ക്കുമായി കഴിഞ്ഞ ആഴ്ചയാണ് റാണയെ ഗാസിയബാദിലെ വീട്ടില് നിന്നും ആശുപത്രിയിലെ പാലിയേറ്റീവ് കെയര് യൂണിറ്റിലേക്ക് മാറ്റിയത്.
ഓങ്കോ-അനസ്തേഷ്യാ ആന്ഡ് പാലിയേറ്റീവ് മെഡിസിന് വിഭാഗം മേധാവി ഡോ. സീമ മിശ്രയുടെ നേതൃത്വത്തിലുള്ള മെഡിക്കല് സംഘത്തിന്റെ പരിചരണത്തില് വൈകുന്നേരം 4.10 ഓടെയാണ് അദ്ദേഹം മരിച്ചതെന്ന് ആശുപത്രി അധികൃതര് വ്യക്തമാക്കി.
സുപ്രിംകോടതി നിര്ദേശപ്രകാരം ഇന്ത്യയില് കര്ശനമായ നിയമനിര്ദേശങ്ങള് പ്രകാരമാണ് ജീവന്രക്ഷാ മാര്ഗങ്ങള് പിന്വലിച്ച് ദയാവധം സാധ്യമാക്കിയത്. ഇന്ത്യയിലെ ആദ്യ ദയാവധമാണ് ഹരീഷ് റാണയുടേത് എന്നതിനാല് ദേശീയ ശ്രദ്ധ പിടിച്ചുപറ്റുകയും ചെയ്തിരുന്നു.
