പശ്ചിമബംഗാൾ തെരഞ്ഞെടുപ്പ് തോൽവിക്ക് പിന്നാലെ രാജിവെക്കില്ലെന്ന നിലപാട് സ്വീകരിച്ച് മുഖ്യമന്ത്രി മമത ബാനർജി. മമതയുടെ നിലപാടിനെതിരെ ബിജെപി ശക്തമായി വിമർശിച്ചു. തെരഞ്ഞെടുപ്പിൽ തോറ്റ മുൻമുഖ്യമന്ത്രിയുടേത് “അരാജകത്വപരവും” ഇന്ത്യയുടെ ജനാധിപത്യ പാരമ്പര്യങ്ങൾക്ക് വിരുദ്ധവുമാണെന്ന് ബിജെപി പാർട്ടി ആരോപിച്ചു.
ശാന്തമായ അധികാരമാറ്റത്തെ മമതയുടെ നിലപാട് ബാധിക്കുന്നുണ്ടെന്നും ബിജെപി നേതാക്കൾ വ്യക്തമാക്കി. “ഭരണഘടനാപരമായ അപമാനം” എന്നാണ് അവർ ഈ നീക്കത്തെ വിശേഷിപ്പിച്ചത്.
അതേസമയം, കൊൽക്കത്തയിൽ നടത്തിയ വാർത്താസമ്മേളനത്തിൽ വോട്ടെണ്ണൽ പ്രക്രിയയിൽ വ്യാപക ക്രമക്കേടുകൾ ഉണ്ടായതായി മമത ബാനർജി ആരോപിച്ചു. ഏകദേശം 100 മണ്ഡലങ്ങളിലെ ജനവിധി ബിജെപി തട്ടിയെടുത്തെന്നും തൃണമൂലിൻ്റെ പാർട്ടി പ്രവർത്തകരെ നിരുത്സാഹപ്പെടുത്താനായി വോട്ടെണ്ണൽ മനപ്പൂർവ്വം മന്ദഗതിയിലാക്കിയതാണെന്നും അവർ പറഞ്ഞു.
ഈ ആരോപണങ്ങൾ ബിജെപി തള്ളി, തെരഞ്ഞെടുപ്പ് പ്രക്രിയ നീതിപൂർവ്വവും സുതാര്യവുമായിരുന്നുവെന്ന് വ്യക്തമാക്കി.
