മൂവാറ്റുപുഴ ജില്ല രൂപീകരിക്കുന്നതിനെ ചൊല്ലി യുഡിഎഫില് നേതാക്കള് തമ്മില് തര്ക്കം. മുന്നണി യോഗത്തില് എതിര്പ്പ് പ്രകടിപ്പിക്കാനൊരുങ്ങുകയാണ് കേരള കോണ്ഗ്രസ്. മൂവാറ്റുപുഴ ജില്ല രൂപികരിക്കുന്നതോടെ ഇടുക്കി ജില്ലയുടെ ഭാവി തകരുമെന്ന് ജോസഫ് വിഭാഗം വിലയിരുത്തുന്നു. ജില്ലാ രൂപീകരണവുമായി ബന്ധപ്പെട്ട് രാഷ്ട്രീയത്തില് അനുകൂല സാഹചര്യമാണ് നിലനില്ക്കുന്നതെന്ന് മൂവാറ്റുപുഴ എംഎല്എ മാത്യൂ കുഴല്നാടന് അഭിപ്രായപ്പെട്ടു.
മൂവാറ്റുപുഴയെ ജില്ലയാക്കണമെന്ന് ഏറെ നാളായുള്ള ചര്ച്ചകളാണ്. 1982ല് മൂവാറ്റുപുഴയെ ജില്ലയാക്കണമെന്ന ആശയം കെ കരുണാകരനാണ് മുന്നോട്ട് വെച്ചത്. ഇപ്പോള് യുഡിഎഫ് സര്ക്കാര് ഈ ആശയം നടപ്പിലാക്കുമോ എന്നതാണ് കേരള കോണ്ഗ്രസിന്റെ ഭയം. മൂവാറ്റുപുഴ വിഭജിച്ചാല് തൊടുപുഴ താലൂക്ക് വിഭജിക്കേണ്ടി വരും. അങ്ങനെ വന്നാല് ജോസഫ് വിഭാഗത്തിനേല്ക്കുന്ന വലിയ തിരിച്ചടിയാകുമത്. ഇടുക്കിയുടെ ഭാഷാ വൈവിധ്യം പിന്നീട് തമിഴ് ഭൂരിപക്ഷത്തിന് വഴിമാറുമെന്നും മുല്ലപ്പെരിയാറും മൂന്നാറും ഉള്പ്പെടുന്ന പ്രദേശം കേരളത്തിന് നഷ്ടമാകാനുള്ള സാധ്യത ഉയരുമെന്നുമാണ് ജോസഫ് വിഭാഗം വിഭജിക്കരുതെന്ന് പറയാനുള്ള കാരണം.
