ന്യൂഡൽഹി: പ്രധാനമന്ത്രി നരേന്ദ്ര മോദിയെ യുഎഇ പ്രസിഡൻ്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഫോണിൽ വിളിച്ച് ജന്മദിനാശംസകൾ നേർന്നു.
ഇന്ത്യ-യുഎഇ സമഗ്ര തന്ത്രപ്രധാന പങ്കാളിത്തം കൂടുതൽ ശക്തിപ്പെടുത്തുന്നതിനുള്ള പുതിയ നടപടികളെക്കുറിച്ച് ഇരുനേതാക്കളും ചർച്ച നടത്തി. ഊർജം, പ്രതിരോധം, സാങ്കേതികവിദ്യ, നിക്ഷേപം, ആരോഗ്യം തുടങ്ങിയ മേഖലകളിലെ സഹകരണമാണ് പ്രധാനമായും ചർച്ചയായത്.
ഇന്ത്യയുടെ വിജയകരമായ ബ്രിക്സ് അധ്യക്ഷപദവിക്ക് യുഎഇ പ്രസിഡന്റ് പ്രധാനമന്ത്രി മോദിയെ അഭിനന്ദിച്ചു. ബ്രിക്സ് ഉച്ചകോടിയിൽ യുഎഇ കിരീടാവകാശി ഷെയ്ഖ് ഖാലിദ് പങ്കെടുത്തതിനും ഇന്ത്യയുടെ അധ്യക്ഷപദവിയിൽ സാരമായ ഫലങ്ങൾ കൈവരിക്കുന്നതിന് യുഎഇ നൽകിയ സഹകരണത്തിനും മോദി നന്ദി അറിയിച്ചു.
പശ്ചിമേഷ്യയിലെ നിലവിലെ സാഹചര്യങ്ങളും ഇരുനേതാക്കളും ചർച്ച ചെയ്തു. മേഖലയിൽ സമാധാനം, സുരക്ഷ, സ്ഥിരത എന്നിവ പ്രോത്സാഹിപ്പിക്കുന്നതിനുള്ള ശ്രമങ്ങളിൽ തുടർന്നും സഹകരിക്കുകയും ഏകോപനം ശക്തമാക്കുകയും ചെയ്യുമെന്ന് ഇരുനേതാക്കളും reaffirm ചെയ്തു.
