വാഷിങ്ടൺ: ഇന്ത്യയിലെ നിക്ഷേപ സാധ്യതകളും പങ്കാളിത്തവും വർധിപ്പിക്കുന്നതുമായി ബന്ധപ്പെട്ട് വാണിജ്യമന്ത്രി പിയൂഷ് ഗോയൽ അമേരിക്കൻ വ്യവസായ പ്രമുഖരുമായി കൂടിക്കാഴ്ച നടത്തി.
ന്യൂയോർക്കിൽ ബ്ലാക്ക്‌സ്റ്റോൺ പ്രസിഡൻ്റായ സിഒഒ ജോനാഥൻ ഗ്രേ, ന്യൂബർഗർ ബെർമൻ ചെയർമാനും സിഇഒയുമായ ജോർജ് വാക്കർ, ദ എസ്റ്റീ ലോഡർ കമ്പനീസ് പ്രസിഡന്റ് ആൻഡ് സിഇഒ സ്റ്റെഫാൻ ഡി ലാ ഫവറി എന്നിവരുമായി ഗോയൽ ചർച്ച നടത്തി.
ഇന്ത്യയിലെ നിക്ഷേപ സാധ്യതകളും ഇരു രാജ്യങ്ങളും തമ്മിലുള്ള ബിസിനസ് പങ്കാളിത്തം കൂടുതൽ ശക്തിപ്പെടുത്തുന്നതും സംബന്ധിച്ചായിരുന്നു ചർച്ചകൾ. ജോനാഥൻ ഗ്രേയുമായുള്ള കൂടിക്കാഴ്ച ഫലപ്രദമായിരുന്നെന്ന് ഗോയൽ എക്‌സിൽ കുറിച്ചിട്ടുണ്ട്.
