തിരുവനന്തപുരം: സംസ്ഥാന സർക്കാരിന്റെ ഓഫീസ് പ്രവർത്തനങ്ങൾ തടസപ്പെടുന്നതായി റിപ്പോർട്ടുകളെത്തുന്ന സാഹചര്യത്തിൽ, വകുപ്പുതല കലാ കൂട്ടായ്മകളും ഫോറങ്ങളും നിയന്ത്രണ വിധേയമാക്കണമെന്ന് സർക്കാർ നിർദ്ദേശം. ഉദ്യോഗസ്ഥരുടെ പെരുമാറ്റ ചട്ടങ്ങളും സർക്കാരിന്റെ നിർദേശങ്ങളും പാലിക്കപ്പെടാത്ത നിലയിൽ, ഓഫീസ് പ്രവൃത്തിയിൽ തടസ്സമാകുന്ന കലാ കൂട്ടായ്മകൾ ഒഴിവാക്കാൻ ആവശ്യമാണെന്ന് ഉദ്യോഗസ്ഥ ഭരണപരിഷ്കാര വകുപ്പിന്റെ വിജ്ഞാപനത്തിൽ വ്യക്തമാക്കിയിട്ടുണ്ട്. ബന്ധപ്പെട്ട അധികാരികൾക്ക് ഈ കാര്യത്തിൽ പ്രത്യേക ശ്രദ്ധ പുലർത്താനും നിർദ്ദേശം.
