മലപ്പുറം: പൊന്നാനിയിൽ സ്‌കൂളിൽ നിന്ന് പരീക്ഷ കഴിഞ്ഞിറങ്ങിയ പത്താം ക്ലാസ് വിദ്യാർത്ഥികൾക്കിടയിൽ നിയന്ത്രണം വിട്ട കാർ ഇടിച്ചുകയറിയ അപകടത്തിൽ മൂന്ന് കുട്ടികൾക്ക് പരിക്കേറ്റു. മലപ്പുറം എ.വി. ഹൈസ്കൂളിന് സമീപം ഉച്ചയ്ക്ക് 12.30ഓടെയായിരുന്നു അപകടം.
വിദ്യാർത്ഥികളെ ഉടൻ തന്നെ താലൂക്ക് ആശുപത്രിയിൽ പ്രവേശിപ്പിച്ചു, എന്നാൽ പരിക്കുകൾ ഗുരുതരമല്ലെന്ന് അധികൃതർ അറിയിച്ചു. കാര്‍ അമിത വേഗത്തിലായിരുന്നില്ലെങ്കിലും നിയന്ത്രണം വിട്ട് കാര്‍ ഇടിക്കുകയായിരുന്നുവെന്നാണ് ദൃക്‌സാക്ഷികള്‍ പറയുന്നത്.
