കൊച്ചി: നടി ഹണി റോസ് നൽകിയ ലൈംഗിക അധിക്ഷേപ പരാതിയിൽ, വ്യവസായി ബോബി ചെമ്മണൂര് കസ്റ്റഡിയിൽ. വയനാട്ടിലെ റിസോർട്ടിൽ നിന്ന് കൊച്ചി പൊലീസാണ് ബോബി ചെമ്മണൂരിനെ കസ്റ്റഡിയിലെടുത്തത്.
ഹണി റോസിന്റെ പരാതിയിൽ ബോബി ചെമ്മണൂരിനോട് ജാമ്യമില്ലാത്ത വകുപ്പുകൾ ചുമത്തിയാണ് കേസ് രജിസ്റ്റർ ചെയ്തിരിക്കുന്നത്. അന്വേഷണം നടത്താൻ പ്രത്യേക സംഘം രൂപം നൽകിയിരുന്നു. എറണാകുളം സെൻട്രൽ എസിപി ജയകുമാർ നിർദേശിച്ച പ്രത്യേക സംഘം ആണ് അന്വേഷണം നടത്തുന്നത്, അതിൽ സെൻട്രൽ സിഐയുടെയും സൈബർ സെൽ അംഗങ്ങളുടെയും അടങ്ങിയിട്ടുണ്ട്.
ഐടി ആക്ട് പ്രകാരം ബോബി ചെമ്മണൂരിന് സ്ത്രീത്വത്തെ അപമാനിച്ചതിനും അശ്ലീല ചുവയുള്ള ദ്വയാർത്ഥ പദപ്രയോഗങ്ങൾ ഉപയോഗിച്ചതിനും കുറ്റം ചുമത്തിയിട്ടുണ്ട്. തന്നെ പിന്തുടര്ന്ന് ശല്യപ്പെടുത്തുകയും അശ്ലീല ചുവയോടെയുള്ള ദ്വയാര്ഥ പദപ്രയോഗങ്ങള് നടത്തുന്നുവെന്നും കാണിച്ചാണ് നടി പരാതി നല്കിയത്. ബോബി ചെമ്മണൂരിനെ കസ്റ്റഡിയിലെടുത്ത പശ്ചാത്തലത്തില് ഇന്ന് ഹണി റോസിന്റെ മൊഴി എടുക്കും. ഇതിന് ശേഷം ബോബി ചെമ്മണൂരിനെതിരെ കൂടുതല് വകുപ്പുകള് ചുമത്താനാണ് പൊലീസിന്റെ നീക്കം.ബോബി ചെമ്മണൂരിന് പുറമെ ഹണി റോസിന്റെ പരാതിയില് രജിസ്റ്റര് ചെയ്ത സൈബര് അധിക്ഷേപ കേസുകളില് ഫെയ്സ്ബുക്കില് നിന്ന് പൊലീസ് വിവരങ്ങള് തേടിയിട്ടുണ്ട്. പൊലീസിന് മൊഴി നല്കിയ ഹണിറോസ് ഇന്സ്റ്റഗ്രാമില് അടക്കം തനിക്കെതിരെ വന്ന അധിക്ഷേപ കമന്റുകളുടെ സ്ക്രീന്ഷോട്ട് അടക്കം കൈമാറിയിട്ടുണ്ട്. നടിക്കെതിരെ അശ്ലീല കമന്റിട്ട 20 പേരെ തിരിച്ചറിഞ്ഞെന്നും നടപടി തുടരുമെന്നും കൊച്ചി സിറ്റി പൊലീസ് കമ്മീഷണര് പുട്ട വിമലാദിത്യ അറിയിച്ചു.
