ജനകീയ വിഷയങ്ങളിൽ നിന്ന് ഒളിച്ചോടി പ്രതിപക്ഷത്തിന്റെ ചോദ്യങ്ങൾ നേരിടാതെ കൗൺസിൽ പിരിച്ച് വിടുന്ന മേയറുടെ നടപടിയിൽ പ്രതിക്ഷേധിച്ച് തൃശൂർ കോർപ്പറേഷൻ ബിജെപി കൗൺസിലർ മാർ കോർപ്പറേഷൻ മേയറുടെ ഓഫീസിനു മുന്നിൽ ഉപരോധ സമരം നടത്തി. കോർപ്പറേഷൻ ബിജെപി പാർലമെന്റ് പാർട്ടി നേതാവ് വിനോദ് പൊള്ളാഞ്ചേരിയുടെ നേതൃത്വത്തിൽ കൗൺസിലർ മാരായ ഡോ. വി ആതിര, പൂർണിമ സുരേഷ്, എൻ പ്രസാദ്, നിജി കെ ജി, രാധിക എൻ വി എന്നിവർ സമരത്തിന് നേതൃത്വം നൽകി. സമരത്തിന് പിന്തുണയുമായി ബിജെപി ജില്ലാ പ്രസിഡന്റ് ശ്രീ ജസ്റ്റിൻ ജേക്കബ്. ജില്ലാ ജനറൽ സെക്രട്ടറി പി കെ ബാബു, മേഖല വൈസ് പ്രസിഡണ്ട് ബിജോയ് തോമസ്, ബിജെപി വെസ്റ്റ് മണ്ഡലം പ്രസിഡണ്ട് രഘുനാഥ് സീ മേനോൻ, എന്നിവർ സമരത്തിന് പിന്തുണയുമായി ഒപ്പം ഉണ്ടായിരുന്നു.
