വയനാട്ടിലെ യുഡിഎഫ് സ്ഥാനാര്ത്ഥി പ്രിയങ്ക ഗാന്ധിയുടെ റോഡ് ഷോയില് വന്നത് മണ്ഡലത്തിന് പുറത്തുനിന്നുള്ളവരെന്ന് ബിജെപി സ്ഥാനാര്ത്ഥി നവ്യ ഹരിദാസ്. വയനാട്ടിലെ ടൂറിസ്റ്റ് കേന്ദ്രങ്ങള് കാണിക്കാമെന്ന വാഗ്ദാനം നല്കിയാണ് പലരെയും കൊണ്ടുവന്നതെന്ന് നവ്യ ഹരിദാസ് ആരോപിക്കുന്നു. പ്രിയങ്ക ഗാന്ധി വീടുകളില് കയറുന്നത് ആസൂത്രിതമായിട്ടാണെന്നും കോണ്ഗ്രസിന്റെ ഇത്തരം നാട്യങ്ങള് ജനങ്ങള് തിരിച്ചറിയുമെന്നും നവ്യ ഹരിദാസ് പറഞ്ഞു. കോര്പ്പറേഷന് കൗണ്സിലര് എന്നാല് സാധാരണക്കാര്ക്കിടയില് പ്രവര്ത്തിക്കുന്നയാള് എന്നാണെന്നും തനിക്ക് വലിയ കുടുംബവാഴ്ച പറയാനില്ലെന്നും പ്രിയങ്ക ഗാന്ധിക്ക് ആകെയുള്ളത് കുടുംബ പാരമ്പര്യം മാത്രമാണെന്നും നവ്യ വിമര്ശിച്ചു.
