ന്യൂഡൽഹി: പാര്ലമെന്റിന്റെ ബജറ്റ് സമ്മേളനത്തിന് ഇന്ന് തുടക്കമാകും. ഇന്ന് രാവിലെ രാഷ്ട്രപതി ദ്രൗപദി മുര്മു ഇരുസഭകളുടെയും സംയുക്ത സമ്മേളനത്തെ അഭിസംബോധന ചെയ്യും. രാഷ്ട്രപതിയുടെ പ്രസംഗത്തിനു ശേഷം, സാമ്പത്തിക സർവേ അവതരിപ്പിക്കും.
പാര്ലമെന്റ് സമ്മേളനത്തിന് മുന്നോടിയായി, പ്രധാനമന്ത്രി നരേന്ദ്ര മോദി രാവിലെ മാധ്യമങ്ങളുമായി കൂടിക്കാഴ്ച നടത്തും.
പൊതു ബജറ്റ് നാളെ ധനമന്ത്രി നിര്മല സീതാരാമന് അവതരിപ്പിക്കും. മൂന്നാം മോദി സര്ക്കാരിന്റെ രണ്ടാമത്തെ ബജറ്റ് അവതരണമാണ് നാളെ നടക്കുക. തുടര്ച്ചയായ എട്ടാമത്തെ ബജറ്റാണ് ധനമന്ത്രി നിര്മ്മല സീതാരാമന് അവതരിപ്പിക്കുന്നത്.
കുറഞ്ഞ ആദായ നികുതി, സാമ്പത്തിക പ്രതിസന്ധി മറികടക്കാനും വിലക്കയറ്റം തടയാനും പുതിയ നികുതിദിശകൾ ഉണ്ടാകുമെന്നും പ്രതീക്ഷിക്കുന്നുണ്ട്.
നിലവിലെ ആദായ നികുതി സ്ലാബിൽ മാറ്റം വരുത്താനായിരിക്കും ഏറ്റവും വലിയ മുന്നേറ്റം. പുതിയ ആദായ നികുതി സ്കീമനുസരിച്ചു, 3 ലക്ഷം രൂപ വരെയുള്ള വരുമാനക്കാർക്ക് ആദായ നികുതി ബാധകമാകില്ലെന്ന് സൂചനകൾ ഉയർന്നിട്ടുണ്ട്.
ബജറ്റ് സമ്മേളനത്തിന്റെ ആദ്യഘട്ടം ഫെബ്രുവരി 13 വരെ ആയിരിക്കും. രാഷ്ട്രപതിയുടെ പ്രസംഗത്തിനുള്ള നന്ദിപ്രമേയ ചര്ച്ചയാകും പ്രധാനമായും ഈ ഘട്ടത്തിലുണ്ടാകുക. രണ്ടാംഘട്ടം മാര്ച്ച് 10ന് തുടങ്ങി ഏപ്രില് 4 വരെയുണ്ടാകും.
