കരുവന്നൂര് സഹകരണ ബാങ്ക് തട്ടിപ്പുമായി ബന്ധപ്പെട്ട് രജിസ്റ്റര് ചെയ്ത കേസില് ഏഴ് പ്രതികളുടെ മുന്കൂര് ജാമ്യാപേക്ഷ സുപ്രീംകോടതി തള്ളി. 2001നും 2011നും ഇടയില് ബാങ്കിന്റെ ഡയറക്ടര് ബോര്ഡില് അംഗങ്ങളായിരുന്നവരാണ് സുപ്രീംകോടതിയെ മുന്കൂര് ജാമ്യത്തിനായി സമീപിച്ചിരുന്നത്. ജസ്റ്റിസ് അമാനുള്ള അധ്യക്ഷനായ ബെഞ്ചാണ് ജാമ്യം നിഷേധിച്ചത്.
എംവി ജസ്റ്റിന്, എആര് പീതാംബരന്, പുഷ്പരാജന് ടിഎം, പികെ കുമാരന്, കെകെ കൃഷ്ണന്, ഷണ്മുഖന് കെവി, കെഎ നകുലന് എന്നിവരുടെ മുന്കൂര് ജാമ്യാപേക്ഷയാണ് സുപ്രീം കോടതി തള്ളിയത്. തങ്ങളുടെ കാലയളവില് നിക്ഷേപകര്ക്ക് യാതൊരു സാമ്പത്തിക നഷ്ടവും ഉണ്ടായിട്ടില്ലെന്നും നയപരമായ കാര്യങ്ങളിലൊന്നും ഇടപല് നടത്തിയിട്ടില്ലെന്നതടക്കമുള്ള കാര്യങ്ങളാണ് ഹര്ജിയില് ചൂണ്ടിക്കാട്ടിയത്. എന്നാല് മുന്കൂര് ജാമ്യം അനുവദിക്കാനാവില്ലെന്ന് കോടതി വ്യക്തമാക്കി. കേസില് ഹര്ജിക്കാരുടെ പങ്ക് അന്വേഷണ സംഘം കോടതിയില് സമര്പ്പിച്ചിരുന്നു.
