സംസ്ഥാനത്ത് ഷിഗെല്ല രോഗം പടരുന്നു. വ്യാഴാഴ്ച് ആറ് പേര്ക്കാണ് രോഗം സ്ഥിരീകരിച്ചത്. കോഴിക്കോട് ജില്ലയില് നാല് പേര്ക്കും പത്തനംതിട്ട, പാലക്കാട് ജില്ലകളില് ഒരോരുത്തര്ക്കുമാണ് രോഗം സ്ഥിരീകരിച്ചത്. ജൂണ് മാസം മുതല് കേരളത്തില് 216 പേര്ക്കാണ് രോഗം ബാധിച്ചത്. 6 പേര് മരിക്കുകയും ചെയ്തിരുന്നു. ഈ വര്ഷം 294 പേര്ക്കാണ് കേരളത്തില് രോഗം സ്ഥിരീകരിച്ചത്.
കുടലിനെയാണ് ഷിഗെല്ല ബാക്ടീരിയ ബാധിക്കുന്നത്. വയറിളക്കം, പനി, വയറുവേദന, ക്ഷീണം, രക്തം കലര്ന്ന മലം എന്നിവയാണ് പ്രധാന ലക്ഷണങ്ങള്. എന്നാല് എല്ലാവര്ക്കും ഈ രോഗലക്ഷണങ്ങള് ഉണ്ടാകണമെന്നില്ല. ബാക്ടീരിയ ശരീരത്തില് പ്രവേശിച്ചു കഴിഞ്ഞാല് മൂന്ന് ദിവസത്തിനു ശേഷമാണ് രോഗലക്ഷണങ്ങള് പ്രകടമാകുക.
