ന്യൂഡൽഹി: സിബിഎസ്ഇ പത്താം ക്ലാസ് , പ്ലസ് ടു പൊതുപരീക്ഷകളുടെ തീയതികൾ പ്രഖ്യാപിച്ചു.പരീക്ഷകൾ 2025 ഫെബ്രുവരി 15-ന് ആരംഭിക്കും. പത്താം ക്ലാസ് പരീക്ഷ മാർച്ച് 18-നും പ്ലസ്ടു പരീക്ഷ ഏപ്രിൽ നാലിനും അവസാനിക്കും. പരീക്ഷാ ടൈംടേബിള്‍ cbse.gov.in വെബ്‌സൈറ്റില്‍ ലഭ്യമാണ്.
പരീക്ഷക്ക് 86 ദിവസം മുമ്പ് തീയതി പ്രഖ്യാപിക്കുന്നതെന്നത് ഇത്തവണത്തെ പ്രത്യേകതയാണ്. പ്രാക്ടിക്കൽ പരീക്ഷകൾക്കായുള്ള തീയതികൾ നേരത്തേ പുറത്തുവിട്ടിരുന്നു. പത്താം ക്ലാസ് പ്രാക്ടിക്കൽ പരീക്ഷ 2025 ജനുവരി ഒന്നിനും 12-ാം ക്ലാസ് പ്രാക്ടിക്കൽ പരീക്ഷ ഫെബ്രുവരി 15-നും ആരംഭിക്കും.
