മലയാളികളുടെ പ്രിയനടനും, വിവിധ ഭാഷാ ചിത്രങ്ങളിൽ നായകനായി തിളങ്ങുന്ന കാളിദാസ് ജയറാമിന്റെ വിവാഹം ഈ മാസം എട്ടിന് ഗുരുവായൂരിൽ നടക്കും. തരിണി കലിംഗരായർ ആണ് വധു. ‘എന്റെ ജീവതത്തിലെ ഏറ്റവും പ്രധാനപ്പെട്ട സന്തോഷകരമായ നിമിഷമാണിത്’ കാളിദാസ് പറഞ്ഞു . വിവാഹത്തോട് അനുബന്ധിച്ചുള്ള പ്രീ വെഡ്ഡിംഗ് ചടങ്ങിന്റെ ഫോട്ടോകളും വിഡിയോകളും ഇപ്പോൾ സോഷ്യൽ മീഡിയയിൽ വൈറലാകുകയാണ്. വളരെ ഇമോഷണലായാണ് വേദിയിൽ ജയറാം സംസാരിച്ചത്. “എന്നെ സംബന്ധിച്ച് ജീവതത്തിലെ ഏറ്റവും സന്തോഷകരമായ ദിനമാണിന്ന്. കാളിദാസിന്റെ വിവാഹം എന്നത് ഞങ്ങളെ സംബന്ധിച്ചിടത്തോളം ഒരു സ്വപ്നമാണ്. അതിന്ന് പൂർണമാകുകയാണ്.
